Marcelle en Charl se DIY troue het op hul familieplaas net buite Ventersdorp plaasgevind en as ek sê dat dit ‘n fantastiese troue met vrek baie detail was, moet ek amper jok, want ek dink nie daar is enige woorde om al die mooi te beskryf nie.  Die dag toe ek vir Marcelle en haar ouers ontmoet het, het ek geweet hier kom ‘n troue wat vir lank onthou sal word – nie net deur die gaste nie, maar deur my en my oulike assistent, Eloise, ook.

Marcelle, met die hulp van haar oulike ma, was baie keatief en spesifiek in wat sy wou gehad het en buiten vir die uitdaging van reën net voor hulle veronderstel was om die “first look” te doen (ja ek het my eerste “first look” ook gehad) , dink ek sy het baie meer gekry as waaroor sy ooit kon droom.  Met die stoom wat uit die grondpad kom waar sy die eerste keer daardie Saterdag vir Charl gesien het, tot die stunning kerkdiens en die laaste bietjie son net voor die son onder gegaan het.

Maar terug na die details van die troue.  Ek dink enige fotograaf raak opgewonde as daar baie details is om af te neem en hier was baie.  Ek het die Vrydagmiddag al deurgery om bietjie op die plaas te gaan loer vir potensiële fotogeleenthede.  Daar aangekom was daar so baie hande wat uithelp dat mens net in verwondering kan staan oor hoe wonderlik dit is as ‘n familie en vriendekring so saam kan staan om ’n troue so spesiaal te maak.  Ek het dadelik tuis gevoel - asof ek die lang verlore familielid was wat uiteindelik tuis gekom het.  Ek was aangenaam verras om te sien wat mens met ‘n 130 m ou hoenderhok kan doen as dit onafgewerk is, maar onder kreatiewe, bekwame en entoesiastiese hande aangevat word.  Ek dink die rofheid van die hoenderhok, met die fyn en sagte dekor, tog plaasgeoriënteerd, het die prentjie baie mooi afgerond – enige bruid se droom plaastroue en enige fotograaf se “once in a lifetime”. 

Ek en Eloise het vroegmiddag Saterdag begin foto’s neem by die saal en vandaar het ons na Charl vertrek om sy foto’s te gaan neem – ons het baie meer pret gehad as wat ons verwag het (die foto’s van die manne vertel die hele storie).  Daarna is ons na Marcelle en ek dink nie enigiemand sal met my stry as ek sê sy is baie mooi en ongetwyfeld fotogenies nie.  Soos julle deur die foto’s gaan sal ek meer oor die sprokie van ‘n troue vertel, want anders sal ek net opeindig om bladsye en baldsye vol te skryf.

Geniet die foto’s saam my, nes ek en Eloise geniet het om dit te neem – elke oomblik van hierdie pragtige dag.

xxx

PS:  Ek moet die troue in twee dele publiseer want daar is heeltemal te veel mooi foto’s om alles in een sessie te laai.  Moet dus nie te ver gaan nie, want die tweede deel word binnekort ook gelaai

Hierdie woef het almal alte lekker gehelp, oral waar hulle inpak of rangskik, haal hy uit…

Die details en moeite soos hieronder is wat my hart sommer laat bokspring!

Koning “king” protea!!

Roomys vir nagereg!!

En hier het die pret begin.  Meeste van die kere het Charl nie gesien wat ons van agter die kamera gesien het nie, maar dit was vrek snaaks…veral die strooijonkers se gesigsuitdrukkings…:-)!  Dit is altyd lekker as die manne hul persoonlikheid in ‘n fotosessie wys, want dan kry mens ‘n idee hoekom hulle as strooijonkers gekies is.

Ek is ook so gewoond om altyd die mooi portretfoto’s van my bruide te wys, maar ek is mal oor die gevoel van Charl wat ek in hierdie foto vasgevang het.

Hierdie is my eerste “first look” ooit!  Ek kon nie vir mooier foto’s vra nie en dink ons het hul gevoel vir mekaar so spontaan en pragtig vasgevang gekry.  Geen voorgee of aansit nie.  Net ware liefde en emosies!

Charl kon nie sy oë van Marcelle afhou nie.  Sy het asemrowend mooi gelyk.

Kyk uit vir Deel II…;-)  (vervolg binnekort)

Petro is my vyfde Fifty Shades of Boudoir shoot en vandat ek haar portrait shoot vir Sarie Voorbladgesig van die Jaar foto’s verlede jaar in Mei geneem het het ons al begin gesels oor haar boudoir shoot.  Ek het van die begin af vir haar my idee van die veld shoot vertel en sy was  toe al gaande oor dit.  Met hierdie shoot het ek ook die reëls van die Fifty Shades gebreek deur ‘n hele post van haar shoot te doen.  Gaan lees gerus meer oor die shoot daar!

Petro se grimering was deur die wonderlike Ilana van Cosmetiek gedoen!  Ons kon nie vir beter gevra het nie!

xxx

Ek het al baie paartjies wat die stunningste verhouding met mekaar het afgeneem, maar dink Sandri en Johan het so ‘n spesiale oop, rein, spontane, eerlike en liefdevolle verhouding met die wêreldse respek vir mekaar.  Hulle is baie gemaklik met mekaar en daar is geen aansit of voorgee nie – hulle is wie hulle is.  Mens kan ‘n myl ver sien dat Sandri baie veilig by Johan voel en daarmee saam dat hul baie lief is vir mekaar.  God is ‘n groot deel van hul verhouding en daarom kan dit seker nie anders as wat ek hierbo genoem het nie.  Die sessie, wat ek by Deltapark gedoen het, was gekenmerk deur lag, lag en nogmaals lag.  Johan is ’n ware nar en hy weet net hoe om Sandri so spontaan moontlik te laat lag – soos meeste van die foto’s getuig.  Hul het besluit om ’n piekniek te hou om hul shoot mee te begin.

Hulle tweetjies trou een van die dae en kan nie wag om hul troue af te neem nie.

Ek het ook al Sandri se sussie, Anéy, se matriekafskeidfoto’s geneem so rukkie terug en jy kan dit hier sien.

Sandri se grimering is deur Ilana van Cosmetiek gedoen en dink dit pas haar verskriklik mooi.

xxx

Sandri maak vrek mooi foto’s en kan nie wag om haar op hulle troudag te sien nie – enige fotograaf se droom…

Al vandat ek Petro se portraitfoto’s vir Sarie Voorbladgesig van die Jaar kompetisie geneem het het ons al hierdie boudoir shoot beplan.  Ek het vir haar my ideale boudoirsessie verduidelik en sy was dadelik te vinde daarvoor.  Die groot uitdaging was net om ‘n private plek te kry waar ons gemaklik kon wees en die sessie kon geniet.  Die dag toe dit uiteindelik realiseer kon ons nie vir beter weer, lig en foto’s gevra het nie.

 Een van die voorwaardes vir boudoirfoto’s is dat die grimering professioneel gedoen moet wees – dis mos lekker as mens mooi komplimenterende foto’s van jouself kry in plaas van mooi maar valerige muis foto’s.  Petro het vroegmiddag by my opgedaag en ek het haar sommer dadelik voorberei dat ek vir Ilana van Cosmetiek grimering gevra het om haar grimering “anders” te doen.  Juis omdat ons buite foto’s neem moes dit donkerder as normaal wees en nie net “normaal” mooi nie.  Ek wou ANDERS hê – soos gewoonlik!  Ilana het met haar “magical” hande aan die werk gespring en ek moet erken ek was aanvanklik eers baie benoud toe sy met pienk oogskadu begin – alhoewel pienk my gunsteling kleur is, het ek dan vir smokey gevra en smokey is mos gryse of bruine?   Maar glo my as ek sê was uit-my-vel-uit verras oor wat die eindproduk was.  Waarvan ek nie geweet het nie is dat Petrovir haar gesê het pienk lyk baie mooi op haar en so het Ilana die beste van die pienk saak gemaak.

Nadat die meesterstuk voltooi is, het ek en Petro na ons destinasie vertrek en sommer ‘n goeie opvang gehad – sy kruip al dieper in my hart in hoe meer ek haar leer ken.  Omdat ek haar al afgeneem het het ek darem geweet wat om van haar verwag, maar moet met alle eerlikheid erken dat ek nie dit wat ek in die foto’s vasgevang het van haar verwag het nie -  ek wou natuurlike, maar nie erg modelgeoriënteerde foto’s van haar neem nie.  Ek was aangenaam verras oor hoe gemaklik sy met haarself is maar steeds daardie natuurlike skaamheid het oor dat sy steeds net vrou, mooi vrou, is.  Petro is ‘n mooi mens, nie net van buite nie, maar van binne ook.

Nadat ek hierdie foto’s ge-edit het, het ek ook besluit om nader aan die einde van die jaar ‘n tipe van ‘n workshop met so 5 of 6 ander fotograwe te hou waar hulle die geleentheid kan kry om hul portfolio’s uit te brei, bietjie te leer en net lekker te kuier in hierdie tipe setup.  Ek is groot om die ware idee van boudoirfotografie uit te dra en nie hierdie genre van fotografie goedkoop te laat lyk nie.

Geniet hierdie foto’s saam met my en as jy dalk ‘n model wil wees vir die workshop kan jy my gerus laat weet !

PS: Met hierdie shoot het ek die reëls van my Fifty Shades of Boudoir pakket oortree want ek kon dit net nie weerstaan om Petro te vra of ek so paar foto’s van haar stunning shoot te post nie.  Dus kan julle nog ‘n Fifty Shades of Boudoir foto ook verwag.  Daarom is die meeste foto’s in swart en wit, maar dis nes hoe ek dit verkies !

xxx

Is hierdie grimering nie stunning nie?

Hierdie is een van die honde op die plot waar ons die foto’s geneem het.  Dit is so ‘n pragtige natuurlike foto!

Dis die volgende drie foto’s waarvan ek hou met my boudoirfotografie.  Van mooi na spontaan!!

Jemma’s mom, Mareli, works with me and I was so excited when she asked me to do Jemma’s newborn shoot.  As with the previous newborn shoot, I am still no baby photographer, but think we really got amazing photos of her when she fell asleep.  The pouty mouth in most of her photos is so adorable.

 I did Jemma’s shoot in the week before my birthday and I was prompted by my fiancé to open my birthday present before I go to the Benn’s house for the shoot.  To my absolute surprise and super excitement I got the baby scale in the first photo!  I just love vintage things and this was one of the best presents I ever received.  I think we used it well and it made for beautiful photos. 

xxx

Ek het vir Tarina en Cobus deur haar niggie, wie se troue ek die afgelope Saterdag afgeneem het, ontmoet en is sommer baie opgewonde oor hulle troue.  Nie net is hulle tweetjies met hulle voetjies plat op die aarde nie, maar hulle is soveel pret saam en het vir geen van my idees nee gesê nie.  Tarina het self in ‘n boom geklim hier by Deltapark, soos die plaaskind wat sy is.

Hulle albei is aptekers en het mekaar by die werk ontmoet.

Tarina en Cobus trou ook op haar oom se plaas in Ventersdorp in die hoenderhok wat hulle vir die geleenthede skoongemaak het en dit is iets om na uit te sien!

Loer gerus weer binnekort na hul troufoto’s wat ek in April gaan neem.

 Ek is mal oor die volgende foto’s van Tarina en Cobus! Lekker vir hulle gelag!

  XXX

Ek wou baie graag ‘n fotosessie by Pretville gedoen het en het die geleentheid gekry toe Karin en Burger instem dat ons hulle verlowingsessie daar kon doen.  Ons het sommer baie vet pret gehad en al het ek nie die fliek gesien nie, kon ek ook net dink dat die akteurs dit baie moes geniet het om op die oulike stel die fliek kon verfilm.

Karin en Burger trou in April by Makiti en ek dink na hulle verlowingsessie by Pretville is dit iets waarna ek baie uitsien.

Geniet die foto’s so baie soos ek geniet het om dit te neem!

xxx

Mrs. B was my fourth Fifty Shades of Boudoir shoot I did and she was just so awesome.  When she arrived at the studio she was so bubbly, don’t know if it was due to all the nerves , but it was so contagious that I ended up being so bubbly.  We laughed a lot and got amazing photos. When I saw this photo I just knew this is the one I wanted to use – it is feminine and soft and compliments her as a woman.  Enjoy this gorgeous one with us!

 I also post these on Facebook!

xxx

Zahné was my third Fifty Shades of Boudoir shoot I did and she was such an amazing model.  She is truly gorgeous and think this shot compliments that gorgeousness just enough so that no words or long paragraphs with explanations are necessary.  I wish I could post more of her photos to just proof this point if you do doubt what I said, but think this won’t be needed after this shot.

 I also post these on Facebook!

xxx

Kyk, ek is geen pasgebore babafotograaf nie en toe Willie en Jolene, wie se swangerskapsessie julle hier na kan gaan loer, vir my vra om ‘n paar foto’tjies van klein William Nathan Hill te neem, meer in ‘n leefstylopset as ‘n oulike babapropopset, het ek die uitdaging aanvaar.  Maar die dag wat hulle toe by my opdaag en klein 16 dae oue Mr Hill bevestig dat hy glad nie op sy maag slaap nie of ook nie toegebind wil word of selfs ‘n ogie lank genoeg toehou sodat ek kan foto’s neem nie, moes ek met gemak my hoed afhaal vir my pasgebore babafotograafkollegas wat dit so maklik laat lyk en dan daarby nog die mooiste foto’s kry.  Ek dink nie my foto’s is nie goed nie, ook het ek ‘n baie goeie werk gedoen as mens daaraan dink dat dit die eerste keer is wat ek so klein dingetjie afneem en ook glad nie in hierdie genre afneem nie, maar hulle fotografie kry sommer ‘n goue ster van af as dit by geduld, en daarvan het ek ook baie, en opstel van die shot wat hul beoog uitkom.

Ek kan dus net sê dat ek wel super trots is op my leefstylfoto’s en elke oomblik van hierdie meneertjie en sy ouers geniet het.

xxx

Hierdie is pappa se ou groot seun!  Kyk net hoe sterk is hy!  *liefderyk*